Durante Luna di September Fundacion UHAT (You have a talent) lo move riba tereno di arte visual y arte di Tarima. E biaha aki nos no tin tayernan pa motibo di reorganisacion. Participantenan por traha na cas y despues trese nan obra di arte serca nos na Club San Martin na Santa Cruz diasabra 21 di September 2024. E ora pa set up lo wordo anuncia despues. Nos ta aprecia diferente style di obra: Pintamenta di portretnan cu potlood, recycla pañanan p.e jeans, denim, catuna etc. y traha tasnan cu nan, pintamento riba canvas, recycla bòternan grandi di plastic y traha matero colga cu nan; hopi forma di traha armband, renchi orea y cadenanan. Cas di cunuco (moderno y di antaño). Arte riba driftwood ; Obranan di Carton recycla y cartolina y obranan di multimedia y media nobo tambe ta bon bini. Esaki ta djis ehempelnan pasobra tin: glas, klei, palo y tur loke bo wowo por capta y transforma den un obra di arte cu hende por aprecia y balora pa un obra cu ta yama danki na Bo Creador pa bo talento (nan) risibi for di Su man. Djis sigi traha den bo material preferi

Entrada ta gratis. Danki na tur esnan cu lo tuma e tempo pa aprecia e bunita trabow aki di UHAT EVENT y alaves topa cu nos artistanan. Kisas bo kier cumpra of order algo serca nan? Haya les of mas info?  Nos tin suficiente motibo pa mustra nos goso y satisfaccion pa tur e beneficionan cu nos a risibi di nos Tata Celestial. Semper por palabra cu nos team ki tipo di obra bo kier trese dilanti den e Expo

Cada participante tin entre 4-5 min maximo pa su presentacion. Tur cos den e evento aki ta pa mustra e gratitud y aprecio cu nos di Aruba tin pa nos Creador. E di dos meta ta pa amplia e grupo di hende cu ta mira e necesidad pa gradisi nos Creador riba e pida barranca stima cu yama ARUBA. Nos ta un fundacion cu ta traha non profit den e comunidad arubano. Un donacion ta semper bon boni pa sigi di un forma mihor pa facilita tur e participantenan cu e resto di hermentnan (toolsnan) cu falta den workshops  of grabacion di e videonan. Nos ta invitabo pa presencia e presentacion riba tarima diasabra 28 di September di 7 pm te 10 pm den Club San Martin na Santa Cruz. Ensayo general ta riba 27 di September pa esnan cu mester di esaki. Tin hopi lugar pa parkeer bo auto dia 28 di September. Entrada ta 20 florin pa persona. Portanan ta habri 6.00 pm.

Carchinan ta obtenibel na: U Have A Talent Foundation

Paga Online Aruba Bank : 6022540190

of yama un di nos:

Nos Secretaria : Leslie Escobar 5653337

CEO UHAT         : Tilly Vloor 7426334

Attentamente directiva di UHAT.